پولیس اہلکار قتل کیس: ایم کیو ایم لندن کے کارکن عبید کے ٹو کو عمر قید کی سزا

کراچی کی انسداد دہشت گردی عدالت نے 1998 پولیس اہلکار کے قتل کیس ایم کیو ایم لندن کے کارکن عبید کے ٹو کو عمر قید کی سزا سنادی۔

ڈان نیوز کے مطابق کراچی کی انسداد دہشت گردی عدالت نے پولیس اہلکار کے قتل کا جرم ثابت ہونے پر ایم کیو ایم کے کارکن عبید کے ٹو عمر قید کی سزا سنائی۔

عدالت نے عبید کے ٹو کو 5 لاکھ روپے مقتول پولیس اہلکار کے اہلخانہ کو دینے کا بھی حکم دیا۔

واضح رہے کہ جولائی 1998 میں ملزمان نے پولیس اہلکاروں پر فائرنگ کی تھی اور 2 جولائی 1998 کو لیاقت آباد تھانے میں مقدمہ درج کیا گیا تھا۔

عبید کےٹو کو 2015 میں نائن زیرو پر آپریشن کے بعد گرفتار کیا گیا تھا اور وہ مختلف مقدمات میں سزا کے بعد جیل میں ہے۔