کراچی: حفاظتی ٹیکوں کی ویکسین کی مبینہ فروخت، سرنجز ایکسپائر ہونے کا انکشاف
کراچی میں حفاظتی ٹیکوں کی ویکسین کی مبینہ فروخت اور سرنجز ایکسپائر ہونے کا انکشاف ہوا ہے۔
ڈان نیوز کی رپورٹ میں ذرائع کے حوالے سے بتایا گیا کہ نیو کراچی میں حفاظتی ٹیکوں کی مہم بروقت شروع نہ ہونے پر سرنجز ایکسپائر ہوئیں۔
سرنجز ایکسپائر ہونے کے بعد ویکسین نجی ہسپتالوں کو مبینہ طور پر فروخت کردی گئیں۔
ذرائع نے بتایا کہ ڈی ایچ او وسطی نے ذمہ داروں کے خلاف کارروائی کے بجائے رپورٹ بھی دبا دی۔
محکمہ صحت کی جانب سے مہم کے لیے 51 ہزار 400 سرنجز فراہم کی گئی تھیں۔
